i feel like i have to express all my lamentations in my native language today. maybe because it's more real... to those who can't understand tagalog... im sorry guys...
alam mo, mahal pa rin kita. ang tagal kong itinanggi sa ibang tao at pati sa sarili ko na mahal pa rin kita. siguro kase ayoko ng masaktan. ang tagal tagal ko ng nararamdaman to. akala ko wala na ko nararamdaman para sayo. ilang beses din ako nag-isip. ilang beses nagdesisyon na tama na, tapos na ang kabaliwan ko sayo. na wala na ko natitirang pagmamahal para sayo. pero sa tuwing titingin na ko sa ibang direksyon, mukha mo nakikita ko. boses mo naririnig ko. at bumabalik lahat ng mga alaala ng kahapon. mahal pa rin pala kita. kahit masakit. dahil may mahal kang iba.
masaya ako sa mga sandaling nakikita kita. pag malapit ka saken, kahit di mo ko tinatapunan ng kahit isang tingin, kahit para sayo ay wala ako dun, masaya na ko. masaya ako sa mga pagkakataong kahit napipilitan ka lang na pansinin o kausapin ako. masaya ako pag napapangiti kita kahit alam kong ayaw mo. masaya ako dahil kahit saglit lang, sumagi ako sa isip mo. mahal kita. mahal na mahal. mahirap tanggapin yun. dahil wala na akong hinihintay. hindi ko na inaasam na mahalin mo ako ulit. hindi ko inaasam na maghiwalay kayo ng taong mahal mo. hindi ko hinahangad yun. dahil ayokong masasaktan ka. dahil nasasaktan ako pag nasasaktan ka. masaya na kong nagmamahal dito sa malayo, dito sa isang sulok kung saan ako na lang ang nakakaramdam ng sakit. kung saan ako na lang ang nakakakita sa sarili kong umiiyak. masakit. sobrang sakit. pero ganun ako magmahal. titiisin ko lahat.
hanggang kailan ako magiging ganito? ayoko ng masaktan. pagod na ako. pero sa tuwing dadating ang pagkakataon na lilimutin na kita, bumabalik ang mga alaala. mahal kita. sobra. kung pagbibigyan ako ng diyos sa isang kahilingan, hihingin ko ang isang araw na kasama ka, na sa isang araw na yun, makita mo kung gaano kita kamahal. at maramdaman ko kahit saglit lang ang pagmamahal mo. pero may mga bagay na hanggang pangarap na lang. at ikaw yun. isa ka na lamang panaginip. isang pangarap na hindi maabot. pero kung ang pagtulog lang ang paraan para makasama kita muli sa panaginip ko, ayoko ng magising pa. dahil mahal kita.
nasanay ako sa lahat ng bagay na hilingin ko, nakukuha ko. pero nung hiniling kita, pinagkait ka sakin. hindi ko alam kung bakit. pero dahil dun nabago ang buhay ko. mahal kita. natuto akong magmahal dahil sayo. nagbago ako dahil gusto kong mas maging mabuting tao para sayo. pero hindi mo ako kailangan. ikaw, hindi kita mahal dahil kailangan kita. mahal kita kaya kailangan kita. pero hindi mo alam yun. dahil iba ang mahal mo. ako, ikaw lang. ikaw lang habang buhay.
matagal na kitang mahal. matagal na kitang hinihintay. pero alam ko, hindi naman kailangan maghintay. dahil wala na akong hihintayin. ganun pa man, gusto ko sanang ipaalam sayo, kahit anong mangyari, hindi kita iiwan. nandito lang ako, naghihintay na kailanganin mo. mahal kita.
pero gusto na kitang palayain. gusto ko ng palayain ang mga alaala mo. dahil masyado na akong nasasaktan. at sana, kung may natitira pang pagkilala sa puso mo para sa akin, sana ay mapakawalan mo na. dahil ayokong mabuhay ka ng may sakit sa buhay. dahil mahal kita.
pinapalaya na kita... kahit masakit. dahil wala ng ibang makapagpapasaya sa akin, kundi ang makita kang tunay na masaya, kahit sa piling ng iba...
fucked_up_girl posted on Jan 08, 2007
| views: 915
Comments
-
tao said on Jan 08, 2007....
ay. pinay ka pala? nakow. kung nalaman ko ng mas maaga mare e di nagsubscribe ako agad sa blog mo. galing, galing.
-
fucked_up_girl said on Jan 08, 2007....
hello to you... tao. hahaha. yup pinay ako. loser na pinay. haha! -
Ormocanon said on Jan 08, 2007....
Alam mo fucked_up, matapos ko mabasa ang post mong ito, parang gusto kitang yakapin ng mahigpit, at haplos haplosin para malimutan mo hinagpis mo, at yan kung papayagan ako ng misis ko. -
peedee said on Jan 08, 2007....
Hi !fug tried to make out something but sorry couldn't. Bye! -
dazed_and_confused said on Jan 08, 2007....
hi fucked_up_girl. grabe naiintindihan kita. masakit talaga pag hindi two-way ang pagmamahal. grabe. sa paraan ng pagsusulat mo, naramdaman ko ang nais mong iparating. grabe dakila talaga ang pagmamahal mo. sana eh makatagpo ka ng taong mas mamahalin mo at mamahalin ka ng higit sa inaasam mo. :D
Kaya mo yan!
-
fucked_up_girl said on Jan 08, 2007....
to dazed and confused and to ormocanon, salamat! ganun talaga ang buhay noh? haay... sana nga... -
petitepapillon said on Jan 08, 2007....
Aww, sweetie. It's going to take a lot of time to let something like this go. Loving someone isn't something that goes away overnight, in a day, a week, a months, years, etc. The heart takes time to heal.But I do believe that at some point in your life, you will find someone new to love, who will love you just as much in return. But I also believe that you'll never forget this person that you love so much.I hope things get better for you. : ) -
PAPERBACKWRITER said on Jan 08, 2007....
Mabuhay!
Ako po si PBW, tawagin ninyo po akong Papel/Paper.
Babalik po ako. At salamat sa pagsusulat sa wikang Pilipino!
Nabobo ang tagalog dahil nasa Alemanya,
papel~
-
Lioness said on Jan 09, 2007....
Nakakalungkot naman.... Sa totoo lang, napaluha ako sa sinulat mo f_u_girl. Mahirap magmahal ng taong may mahal na iba... Mahirap umasa. Pero masarap magmahal. Yun nga lang, masakit pag hindi nasusuklian ang pagmamahal na yan.
Sa palagay ko dapat niyang mabasa ito... hindi pa naman huli ang lahat di ba?
-
fucked_up_girl said on Jan 09, 2007....
lioness... matagal ng huli ang lahat... dahil sobra kung ipafee niya saken na para sa kanya hindi ako nag-e-exist. pero ganun talaga ang buhay di ba... kakalungkot lang. minsan gusto ko na malaman niya kung ano ang nararamdaman ko pero pinipigilan ko ang sarili ko kase alam kong balewala naman yun sa kanya. masaya na sha. at kahit papaano, hinihiling ko na sana maging masaya na din ako. di ko na sha nakakausap. sa ganiton paraan ko na lang nalalabas ang mga emotions ko. -
Lioness said on Jan 09, 2007....
{{{sigh}}}
Pasensya na... Akala ko may magagawa pa.. Ang ituring na balewala ng isang taong mahalaga sa iyo ay napakahirap tanggapin. Marahil nga ay hindi kayo para sa isa't-isa.
Ganon pa man, wag kang mawawalan ng pag-asa. Bawat isa sa atin ay may karapatang lumigaya. At darating ang pagkakataong iyon para sa iyo, ganon din sa akin.
Gusto ko lang malaman mo na na-touch ako sa sinulat mo. Alam ko galing yan sa puso. Hindi ka nag-iisa sa kalungkutan. Hangad ko ang kaligayahan mo. God bless.
-
drifting_traveller said on Jan 09, 2007....
Hi fug.. maybe the pain you have now is lesser if kayong dalawa and then later on find out na hindi pala kayo para sa isat isa..Dami pala pilipino here.. -
queenparanoia said on Jan 09, 2007....
pasyensya na kung magmumura ako pero putaninga talaga umiyak ako sa post mo! alam mo kung bakit dahil yan din ang nararamdaman ko!!!shit talaga! binigay mo na ang lahat. as in lahat lahat tapos anu sabi nya? "friends lang tayo"putang ina mo! friends lang pala trato mo sa akin pagkatapos ng lahat?shit ang sakit talaga kapag binigay mo na ang puso tapos yun lang ang sasabihin. eto yung post ko tungkol dito.buti na lang at nakamove on na ako. sana maka move on ka rin. mahirap yun pero alam ko magagawa mo yun.oo nga pala pinay ka?!?! yehey subscribe ako sayo! -
fucked_up_girl said on Jan 09, 2007....
hey queen haha osige okay lang. mura lang ng mura. tangina noh? hehe. dadaanin ko na lang sa tawa. yun na theme song ko ngayon. hahaha! mabuhay tayo! magaganda naman tayo eh.hehehe -
czarxtian said on Jan 09, 2007....
magaling! love and be loved, kung masaktan eh di masaktan... if you want to hold on in a relationship, hold on as long as the reason is love. the only way you can let go is when someone replaced that person in your heart or you find someone that you will love more... good luck sa buhay mo! -
queenparanoia said on Jan 09, 2007....
oo nga maganda tayo!!! hehehehe papayat muna ako!!!keep on blogging!!! -
tao said on Jan 09, 2007....
mare, tawagin kaya kita babaeng-ginanon, oks lang? kse, pangit pakinggan pang ineksakto ko pagka-transleyt e. isipin mo kaya ganitong senaryo mare. e di meron kang mahal na mahal na mahal na mahal na mahal. pero dedma ka nya. kaya e2 sulat mo sa kanya. e pano naman kung merong fu-boy na nakilala ka, tapos nadebelop sa yo, at mahal na mahal na mahal na mahal na mahal na maha-aaaaaaaaa-aal na mahal na mahal ka nya. dedmahin mo din kaya, kung sulatan ka nya tulad nitong sulat mo? oy a. wag ka inis plis. tanong ko lang yun a. :-p
-
fucked_up_girl said on Jan 10, 2007....
hmmm... oy tao... hehehe.... yun totoo? ewan ko....... di ko lam maffeel ko. hay ewan. siguro kahit di ko sha gusto at dinededma ko sha, siguro kahit pano eh mafflatter ako. ay ewan. onga noh. ewan talaga. ano ba yan. naconfuse naman pala ko bigla. hehe. ayan napatawa mo ko. hehehe. di ko talaga alam. hmmmm... sige magrereflect ako mamaya tungkol sa sinabi mo. salamat mareng tao. :) -
gamepal07 said on Feb 05, 2007....
Magaling,magaling,magaling!!!!mga pinoy pala kayo!!!hehehe!!at para sa yo...ganyan talaga ang buhay.malay mo...sa huli kayo rin pala..oh di ba?