sa pagtitipong katatanggap
pagdalo'y nag-aalangan
di dahil sa pagbabantulot
na anyaya ng punong-abala
hindi iindahin ang gugol
madaling hulaan tala ng lipon
mahirap ang paksa sa panayam
pampalipas-inip sa balana
isip ko'y lumalaboy
sa pagtanan sa pluma
at kung sa titik ay napagod
kailangan bumawi ng tulog
maari bang sa sulok tumabi
nang sa lungkot walang makasaksi
sa dami ng kasama
puso'y ulila sa di nakikita
